قصيدة :الفريق الوطني الجزائري
رد عليها لكي ارا مستوايا
باسمك يا إله والله أكبــر= سهّل يا خالقي وأنت حنان
في 18 نوفمبر الحق انبـر= وانصرنا ربي على هذا العديان
الحمد لله الفريق انتصـر= الخضرة والبيضاء شاعوا في لوطان
بوتفليقة اعطى الامر المقرر= آمر على السلطة يكونوا في الميدان
طائرات الجيش فيهم تنظـر= تنقل في اولادنا إلى السـودان
الخرطوم فيها الشعب متحضر= في بلادهم وجدوا الأمن والأمان
أعوذ بالله منك يا مصـر= تعبني فريقنا جانا تعبان
هدف الشرف جابولنا عنتر= واخرج فيهم شاوشي حارس فنان
اجميع الفريق شباب امخير= هذا الفضل يعود ليكم يا سعدان
دمرتوا شحاتة راح اتكسّر= ولى يبكي كي المرأة وسط الميـدان
بكاوه لبطال شرفة لحـرار= دم الشهدا لازم ضرك ايبان
اترفد اعلامنا بان منور= نقلوه الشبان في كل البلدان
الحمد لله بيكم نفتخر = أحييتوا تاريخنا ياذ الشبان
لازم يا شباب اليوم انفكر= الجزائر أمنا أحلى البلدان
كاس العالم باذن القادر= واقبل يا الحنان المنان
عبد الهادي جاب اكلام امعبر= وابراهيمي نكوتو جاب القيوان
هذا الشعر جبتو ماني نفخر= بي حب بلادي راني فرحان
الشاعر القوال: محمد امين عمام
موضوع: قصيدة الفريق الوطني 
الجمعة فبراير 12, 2010 10:51 pm